東京HOSTEL比較

分享一下我住過的東京 Hostel

http://www.sakura-hostel.co.jp/jp/
Sakura Hostel Asakusa 清潔乾淨 有個 Staff 好似本田翼所以我對日本第一印象就係㗎妹好正，附近有激安，有便利店，食嘢方便，距離車站唔近，都要行十幾分鐘。 住淺草又無 JR，就算設施幾好，地點都係最重要。 房內有 Locker ，要自己加鎖 * 可以見到Sky Tree


Sakura Hotel Ikebukuro 交通方便，不過附近無超市，西口呢邊無東口個邊咁旺，距離車站十分鐘到，因為有地下通道行過去。 不過同樣係 Sakura 集團，我覺得淺草個間 Staff Nice 好多。 我試過住兩人 dorm 又試過住四人房，六人房，其實真係幾迫。 呢間應該幾多香港人住，我同房識過一個鍾意 Luna Sea ，一個鍾意 Plastic Tree，廿幾歲到。


Oak Hostel Zen 位於鶯谷站， Hostel 距離車站七至八分鐘，只住過一晚所以無點研究過附近商店，不過有向朋友介紹佢住過一星期都覺得好好。 房間類型係十六人房，有 Locker 係房入面，密碼鎖黎。 雖然咁多人住但係好寬敞，比起一啲八人房舒服，不過我唔鍾意住上野呢頭（之前講過，出渋谷要半個鐘我覺得好攰）


但如果比我揀淺草 / 呢間，我一定揀呢間，因為係山手線到。


Anne Hostel Asakusabashi 位於淺草橋，同淺草唔同，淺草橋係有 JR ，方便好多。 距離車站七至八分鐘。 我住過四人房，佢幾得意，好似醫院咁有枱係床上面，對我黎講好方便，其他 Hostel 都無呢樣。 Locker 係房出面，自備鎖匙。


HIKARI HOUSE 位於新大久保，由韓國人開，如果唔識日文 / 韓文就唔好住呢間，佢係唔識英文㗎，試過同佢講英文，然後佢對住部手機 Google Translate 講泡菜文，但 Google 都唔明佢講咩。


然後我同佢講，其實可以講日文，之後佢開心哂。


佢又係十二人房，不過我懷疑我住個陣係新開，所以個陣得我一個 + 疑似佢啊妹。 （家族經營） 所以好舒服，如果真係有十二人住應該幾迫下，佢係床連床無空位咁。


不過呢間有個唔好處就係無洗衣機，可能因為個陣仲新，唔知而家有未，個陣我住係一月頭，附近嘅洗衣舖未開，又無 Coin 洗衣機，搞到最後要去朋友屋企洗衫。


講地理位置呢間一流，去新大久保，新宿都得，Hostel 行幾步又有間激安。


只不過好多韓流店有少少難頂（我嚴重崇日反泡菜），如果佢有洗衣機我以後都會住佢。


總括而言，日本啲 Hostel 都係好乾淨，價錢大概係2800-3500 yen 到，我最著重都係車站係邊條線，當你住過新宿呢啲搭車去邊都咁方便嘅地方，就唔會想住其他地方。


相有啲難搵出黎，上網 Google 大部分圖一樣。


最後，住 Dorm 唔好嫌三嫌四，來安安靜靜咁瞓覺就揀單人房啦，唔好令雙方難受。